Urriaren 4an Usurbilen ospatuko den Kilometroak 2015 jaialdiko bideoklipa ikusi nahi duzue?

GattunkAtzo aurkeztu zen Kilometroak 2015 egitasmoaren bideoklipa. Goizean Potxoenean aurkeztu zen, urriaren 4an Usurbilen ospatuko den jaialdiko bideoklipa. Hainbat herritarrek Jakoba Errekondo herritarrak idatzitako hitzei irudia jarriko die eta beste dozenaka herritar eta ikasle aktore lanetan aritu dira.

OLYMPUS DIGITAL CAMERANoaua!

Jai jasangarri, parekide eta inklusiboen aldeko bideoklipa

OLYMPUS DIGITAL CAMERANoaua!

Jai jasangarri, parekide eta inklusiboen baloreak urriaren 4ko jaialdiko antolaketa lanetan txertatu dituzte eta horien isla bideoklipa ere landu da.

  • Parekidetasuna: bideokliparen bidez, egunerokotasununean hain barneratuta dagoen eta arretarik eskaintzen ez den hainbat jokabide hautsi eta bistaratu nahi izan dituzte. Tradizionalki gizonen lan gisa definitu izan diren zereginetan emakumeak ikus daitezke bideoklipean.
  • Jasangarria: Bideoklipean ere islatu nahi izan dute Usurbil jasangarria, udalerriak ingurunearekin duen lotura.
  • Inklusiboa:  “Gure helburua ez da desgaitasunen bat duten pertsonak gizartean integratzea, baizik eta gutako bakoitzak gaitasun ezberdinak ditugula aitortzea eta guztiok osatutako jendarte inklusiboa eraiki behar dugula barneratzea. Erronka hori bota diogu geure buruari eta konpromisoa hartu dugu”.

Sutegi gainezka

Herritarrek Kilometroak 2015 ekimeneko bideokliparen aurkezpen ekitaldiak gertutik ikusteko aukera izan zuten arratsaldean. 19:00etarako herritar ugari Sutegi inguruan bildu ziren eta aretoa bete ere. Ekitaldian abestia eta bideoklipa sortzeko egin duten ahaleginaren inguruko zehaztasunen berri eman zuten Aitziber Lanberrik, Joseba Larratxek, Jakoba Errekondok eta Joseba Tapiak.

www.kilometroak.eus

 

Usurbilgo Matrakak Talde Feministak Biarritzeko 94 urteko emakumearen bortxaketa salatu du

matrakaksalaketa

Pasa den larunbat goizaldean, 94 urteko emakume bat bortxatu zuten bere etxean, Biarritzen. Baionako Fiskaltzaren arabera, gertakaria 05:00ak aldera gertatu zen. Gizon bat 94 urteko emakumearen etxera sartu zen, adinekoa bakarrik zegoenean, eta lepotik alarma sistema kendu eta gero, bortxatu eta ihes egin zuen.

Biktimak berak deitu zien larrialdi zerbitzuei. Adineko emakumea ospitalera eraman behar izan zuten. Baionako Fiskaltza gertaturikoa ikertzen ari da.

Usurbilgo Matrakak Talde Feministak azken bortxaketa hau salatu du. Emakumeen aurkako indarkeriak amaitu beharra duela gogorarazi dute sare sozialen bidez: “Nazkatuta gaude! Nahikoa da!”.

Ostiralean maiatzaren 9ko ‘Ehuntze Eguna’ antolatzen laguntzeko bilera irekia Potxoenean

hautestontzia-ehuntzen

Gure Esku Dagok ekainaren 21ean, hautetsontzi erraldoiak osatuko ditu Euskal Herriko hiriburuetan; Donostian Anoetako futbol zelaian izango da. Hautetsontzi erraldoi horiek norbere atxikimendu pertsonalak elkarri josiz osatuko dira, eta, horretarako, oihal-zatiak erabiliko dira. (Informazio osoa hemen: KLIK)

Usurbilgo Gure Esku Dago erabakitze eskubidearen aldeko ekimenetarako prestaketa lanetan dabil eta girotze aldera, maiatzaren 9rako Ehuntze Eguna antolatzen dabil. Bertan ez dira falta musika, bazkari herrikoia, tailerrak, salmeta postua,… Guzti hau prestatzeko laguntza gehiago ondo etorriko dela jakinarazi dute taldeko kideek eta horretarako ostiral honetarako (apirilak 24) 18:30ean bilera antolatu dute, Potxoenean: Ahal den gehienon artean antolatu nahi dugu eguna, Gure Esku Dago dinamika herritarra baita. Edozein ideia edo proposamen jasoko dugu gustura, ateak zabal-zabalik dituzue guztiok!”.

motorrak berotzen hasteko ordua

josten-luzea

Gure Esku Dago dinamika gizartea saretzeko jaio zen, lehen harresiak zeuden tokian zubiak eraiki eta guztion artean gure herriaren etorkizuna ehuntzeko helburuarekin. Iazko ekainaren 8an eskuz-esku lotu genituen Durango eta Iruñea eta ondoren etorri zen Zurriolako mosaiko erraldoia. Aurtengo ekitaldi nagusia Ekainak 21ean burutuko da, herrialde bakoitzeko hiriburuan, guri Donostiara hurbiltzea tokatuko zaigularik. Azken hilabeteotan herriz herri biltzen ari garen oihal-zatiak elkar josita, hautestontzi erraldoiak eraikiko ditugu, egun guztian zehar festa eta aldarrikapena izango direlarik nagusi”.

Ehuntze Eguneko herri bazkaria

Platera Gure Esku DagoGure Esku Dago taldeko lagunek, maiatzak 9an egingo den bazkari herrikoirako txartelak laster salgai jarriko dituztela iragarri dute:

  • Helduentzako menua 15€tan: oilasko paella, txekor masaila saltsan eta pastela.
  • Haurrentzako menua 5€tan: makarroiak eta izozkia.

Bazkariaren ondoren bertso musikatuekin gozatzeko aukera izango da.

Mahai ibiltaria apirilaren 24 eta 25ean

Ehuntze Eguna iritsi bitartean, ekainak 21ko ekintza masiborako informatu edo saretzeko  asteburu honetan (apirilaren 24 eta 25ean) mahai ibiltaria jarriko da frontoi inguruan, 19:00tatik aurrera. Maiatzak 1an eta 8an ere jarriko dute. Bertan kamiseta berriak erosteko aukera egongo da: “Aurtengo kamiseta berriak erosi nahi dituenak ere, bertan izango du aukera! Neurri guztietako kamisetak ditugu, emakume, gizon nahiz haurrentzat”.

Usurbilgo III. Sagastiak Loretan egitasmoa larunbatean hasiko da

Sagastiak loretan copia

Usurbilgo  III. Sagastiak Loretan egitasmoa larunbatean (apirilak 25) hasiko da. Usurbilgo Sagardo Egunaren Lagunak, Alkartasuna, Usurbilgo Baserritarren Kooperatiba, Noaua Kultur Elkartea, Usurbilgo Sagastia E.M., Usurbilgo Gaztetxea, Sagardoaren Unibertsitatea, Gipuzkoako Sagardogileen Elkartea, Bizi Sagardoa eta Usurbilgo Udalak elkarlanea antolatzen duten sagarrondoren loraldiaren gorazarre ekimena honetan ikastaroak, ibilaldiak, egitasmo aurkezpenak edota XXXIV. Sagardo Eguneko ospakizunaz gozatzeko aukera egongo da.

Apirilaren 24tik ekainaren 13ra arte

Sagastiak loretan kartela

Apirilak 25, larunbata

  • 10:15 Sagastien paisaian barrena ibilaldia Jakoba Errekondo paisajistarekin, Alkartasuna, Usurbilgo Baserritarren Kooperatibatik abiatuta.

Maiatzak 9, larunbata

  • 09:00-13:00 “Egutegi Biodinamikoa eta Ilargiak nekazaritzan duen eragina” ikastaro teorikoa Potxoenean. Noiz erein, landatu, ongarritu eta kimatu? Uzta hobetzeko kosmosaren eragina baliatu. Xabier Akizuren eskutik. Prezioa: 5 €, Alkartasunako bazkideek doainik.

Maiatzak 14, osteguna

  • 11:30 Usurbilgo sagardoaren ibilbide turistikoaren aurkezpen-prentsaurrekoa Potxoenean.

Maiatzak 15, ostirala

San Ixidro Eguna

  • 10:30 Meza nagusia Salbatore Elizan.
  • Ondoren, hamaiketakoa eta herri kirolak frontoian.
  • 14:00 Bertso bazkaria Artzabalen. Txartelak salgai maiatzaren 12ra arte, 25 eurotan, Artzabalen eta Alkartasuna Kooperatiban.
  • 18:30 Kalejira herriko erraldoi konpartsarekin.

Maiatzak 17, igandea

  • XXXIV. Sagardo Eguna.

Maiatzak 23, larunbata

  • Goizean, sagastien zaintza ikastaroa Potxoenean: gaitzen eta izurriteen jarraipena. Aitor Etxeandiaren eskutik.
  • 19:00 Bertsokata egitasmoaren aurkezpena. Bertso saio baten barruan sagar muztio eta sagardoa dastatzen ikastea, Guillermo Castaños enologoaren laguntzarekin.

Maiatzak 30, larunbata

  • Goizean, sagastien zaintza ikastaroa Potxoenean: Ongarriketa. Aitor Etxeandiaren eskutik.

Ekainak 13, larunbata

  • Goizean, sagastien zaintza ikastaroa Potxoenean: Udako kimaketa. Aitor Etxeandiaren eskutik.

Apirilaren 26an Usurbilgo EHBilduren zerrendaren aurkezpen ekitaldia egingo da dema plazan

EHBildu Usurbil 1 publia ONA 2 blog txikia

Igande honetan Usurbilgo EHBilduk maiatzeko hausteskundeetara aurkeztuko duen zerrendaren aurkezpen ekitaldia burutuko du. Herritar guztiei dei egin diete bertara gerturatzeko:

“Apirilaren 26an (igandea) eguerdiko 12:30ean dema plazan Usurbilgo EHBilduren zerrendaren aurkezpena egingo dugu. (Eguraldi txarra egingo balu frontoian egingo genuke). Deialdi honetara herritar guztiak zaudete deituak, izan ere herritarrak izango baizarete protagonistak. Ekimen berezia, ikusgarria, koloretsua, alaia… izango da, formato berri batean. Animatu zaitezte!”

Blogak eta sare sozialak

Usurbilgo EHBilduk igandeko eta hortik aurrera egingo diren gainerako ekimenak martxan dituzten blogetan eta sare sozialen bidez jakinaraziko dituela iragarri du. Zalantza edo galderaren bat izanez gero  posta honetara idatzi daiteke:  ehbildusurbil@gmail.com

Herri programa etxe guztietan BANATU da

EHBildu HP Usurbil

Usurbilgo EHBilduren herri programa etxe guztietara banatu da. 16 orriko aldizkaria osatu du Usurbilgo koalizioak eta bertan gai hauek jorratu dituzte:

  • Editoriala.
  • Parte hartzea.
  • Herri programa (Gazteria, Parekidetasuna,Tokiko garapena, Ogasuna, Gizarte politika, Hirigintza-Lurralde antolaketa, Zerbitzuak, Ingurumena, Nekazaritza, Aniztasuna, Hezkuntza, Euskara, Kultura eta Kirola).
  • Xabier Arregi alkategaiari elkarrizketa.
  • Gipuzkoarrok garaile: Xabier Olano, Gipuzkoako Ahaldun Nagusirako hautagaia.
  • Beterri, Garapen Integraleko Agentzia.
  • Usurbilgo EHBilduren hautagaitza taldea.

Herri programa eskuratzeko: KLIK

Apirilaren 27an Santixabeletako Jai Batzordeak bilera irekia egingo du Potxoenean

Santixabelak

Usurbilgo Jai Batzordeak Santixabel jaien egunak zehaztu ditu: uztailaren 1etik 5era. Egunak zehaztuta, orain egitaraua fintzen joateko ordua iritsi da; haur, gazte eta helduei zuzenduriko jaiak prestatzen hasteko ordua hain zuzen ere.

Guzti honetaz hitz egiteko apirilaren 27an (astelehena), arratsaldeko 18:00tan, Potxoenean bilera egingo da. Deialdia irekia da eta Santixabeletako Jai Batzordeak herritarrei bertara gerturatzeko gonbidapena luzatu die; eragile nahiz herritarrak gonbidatuak daude hitzordura.

Gaur Usurbilgo Gure Esku Dagok 19:30etatik aurrera informazio gunea jarriko du frontoi inguruan

josten-luzea

Gure Esku Dagok ekainaren 21ean, hiriburuetan, hautetsontzi erraldoiak osatuko ditu. Hautetsontzi erraldoi horiek norbere atxikimendu pertsonalak elkarri josiz osatuko dira, eta, horretarako, oihal-zatiak erabiliko dira. Usurbilgo Gure Esku Dagok gaur arratsaldean (apirilak 17) argibideak emateko, saretu-txartela betetzeko edo kamiseta berriak erosteko 19:30etatik aurrera frontoi inguruan jarriko dute mahai ibiltaria. Gure Esku Dagok tutore lanak egitera animatzen direnak ere bertara gerturatu daitezela adierazi dute.

GED

Ehuntze Eguna, maiatzaren 9an

Usurbilgo Gure Esku Dago taldeak hilabete hauetan mahai ibiltaria jarriko du (gaur esaterako) baina beste ekimen bat antolatzen dabil, udalerri mailako Ehuntze Eguna maiatzaren 9rako.

Ekaineko ekimenaren nondik norakoak

Oihal bat = 20 lagun

marrazten

Oihal-unitate bakoitzean, 20 lagun atxikituko dira. Bakoitzak oihal-zatia izango du, eta nahi dena marraztu eta idatziko da bertan.

Ohialak

Saretu txartela

saretu

Atxikitzerakoan, oihal-zatia pertsonalizateaz gain, euro bat ordaindu eta saretu-txartela bete behar da. 16 urtetik beherakoek, oihal-zatia marraztu eta euroa ordaindu ondoren, ez dute saretu-txartela bete beharrik izango.

Tutorea

tutore

Orain arte iritsi ez ezin izan den jendearengana urbiltzeko, TUTOREAren figura  sortu da. Adibidez, herriko futbol taldeko kide batek, bere talde guztia atxikitzeko ardura izango du, edo enpresako langileak bere lankideak animatuko ditu, edo eskolako irakasle batek, beste irakasleak…

Internet, oihal digitalak

internet

Internetez ere eman ahal da atxikimendua, ekainaren 21eko hautetsontzian,  oihal-zatia digitala egin dadin.

Captura de pantalla 2015-04-10 a las 14.56.36

Ekainak 21, ekintza masiboa

hautestontzia-ehuntzen

Urte osoan herriz herri ehundu diren sare horren JOSTE EGUNA izango da. Herrialdez herrialde, borondate ezberdinen batura hori eraikiko da. Hautetsontzi erraldoiak eraikiko dira, eta horiek, etorkizun hurbilean, denon borondatea eta erabakia libreki azaltzeko aukera emango dute.