Usurbilgo Gure Esku Dago: “Eskerrik asko guztioi antolatu ditugun ekimenetan parte hartzeagatik”

E21

Usurbilgo Gure Esku Dagok ekainaren 21ean Donostian egin zen ekimenean parte hartu eta urtean zehar lanketan lagundu duten herritar guztiei eskerrak eman dizkie. Azken hilabeteek eta ekainaren 21eko ekimenak eman dutenaren balorazioa egin dute eta aurrera begira ekimen berriak egongo direla adierazi dute.

1545032_1376746592587341_1174679808_n

Eskerrik asko!

“Usurbilgo Gure Esku Dagotik eskerrak eman nahi dizkizuegu hilabete hauetan zehar ilusioz modu batean edo bestean dinamikak antolatutako ekimenetan lagundu duzuenoi. Asko izan zarete tutore lanetan zuen ingurukoak biltzen aritu zaretenak, oihalak apaintzen eta josten egondakoak, maiatzeko Joste Eguna antolatzen eta aurrera ateratzeko behar zen guztia prest egoten lagundu zenutenak, duela bi aste Anoetan oihalekin edo txoznan boluntario moduan lan egin zenutenak, Anoeta betetzera edo Urumeako oihal katera ilusioz gerturatu zinetenak, ekitaldiko sarrerak saltzen lagundu duzuenak, informazioa herritar orori iristeko lanean aritu zaretenak… bihotzez, ESKERRIK ASKO!!

Aurtengo ekitaldi nagusia amaituta balorazioen garaian gaude eta taldean ere egin dugu gurea. Onartu behar dugu zapore gazi-gozoarekin atera ginela Anoetatik. Gazia, helburua estadioak betetzea izanik ez genuela bete onartzen dugulako. Gazia, ekitaldiak berak bere ahulguneak izan zituelako eta herritarren espektatiba betetzen asmatu ez zelako. Gazia, egunean zehar hobetu zitezkeen beste hamaika kontu egon zirelako.

Baina gozoa ere bai. Gozoa, Gipuzkoan eta baita beste lurraldeetan ere lanean aritutako boluntario kopurua izugarria izan delako. Gozoa, egunean bertan eta baita aurretik ere, herritarren aldetik sumatu dugun ilusioa itzela izan delako. Gozoa, kopurutan antzeman ez bada ere iaz iritsi ez ginen jendearengana iristen hasi garelako.

Gaztea da Gure Esku Dago eta handia da aurrean duen erronka. Martxan dago lehenagotik ere dinamikaren helburu, izaera eta ezaugarriak adostu eta definitzeko prozesua eta gure asmoa prozesu hau herrira irekitzea da. Orain artekoaren balorazioa burutu eta hemendik aurrerakoa definitzeko gogoeta herritarrekin batera egin nahi dugu. Horregatik, datozen hilabeteetan herritarrekin harremanetan jartzen hasiko gara horretarako formula desberdinak erabiliaz.

Mila esker eta aupa zuek! Herri bat gara. Erabakitzeko eskubidea dugu. Herritarron garaia da”.

Usurbilgo Matrakak Talde Feministak eraso sexisten aurkako protokoloa landu du

Matrakak

Usurbilgo Matrakak Talde Feministak jaietan eta ohoar eraso sexista bat gertatzen ari dela sumatuz gero, egoera horri aurre egiteko protokolo bat landu du Udalaren laguntzarekin. Protokoloa jaietako txosnagunera eta ostalariei ere helarazi diete, haiek ere eraso sexisten aurrean nola jokatu jakin dezaten.

Protokoloko jarraibideak

  • Eraso sexista bat ematen ari dela ikusten denean, erasoa jasaten ari denarengana jo eta laguntzarik behar duen galdetu behar da norberaren kabuz erabakirik hartu aurretik. Ezetz esaten badu ez da behartu behar. Baietz esaten badu laguntza eskainiko diogu. Salaketa telefonoko arduradunari erasoa jakinarazi.
  • Jai gunera edo txosna zein tabernako barrara norbait erasotua izan dela esanez badator lehentasuna duen kontua izango da. Salaketa jasotzen duenak egiten ari dena utzi eta pertsona horri kasu egingo dio. Arreta handiz entzun behar da erasotuak esateko duena (azalpena, beharrak…) eta ez da zalantzan jarri behar kontatzen duena. Leku fisiko seguru bat bermatu behar da: entzuteko, lasaitzeko… Erasoa identifikatu behar da: entzun eta erasoa zehaztu.
  • Erasotuari emozionalki babes osoa eskaini behar zaio.
  • Erasotzailearekin hitz egin eta argi utzi behat zaio ez dela jarrera sexistarik onartzen eta tabernatik/jai gunetik kanporatua izango da (hau taldearen babesean egitea garrantzitsua da, seguruagoa izateko eta gaitzespena garbi gelditzeko).
  • Salaketa telefonoko arduradunari erasoa jakinaraziko zaio.
  • Eraso sexista larriak gertatzen direnean emakumeari jakinarazi beti eska dezakeela laguntza, salaketa jarri nahi badu ala ez.
  • Salaketa zenbakia: 634 437 196 (jai guneko salaketa telef.)
  • Gizarte Larrialdietarako Foru Zerbitzua (24 h): 943 22 44 11
  • Erasoen aurka protokoloa aktibatu behar da: jai gune/kale/tabernetan eman daitezkeen eraso sexistei erantzun.
  • Jendeari zabaldu eraso sexista bat izan dela, izenik ez da aipatu behar. Morborik ez! (ahoz aho, kartel bidez, mikroa…).
  • Jai gunean erasoak salatzeko arbela/pankarta… jartzea gomendatzen da.
  • Antolatzaileak bildu eta erantzuna zehaztu behar dute (jai guneak ixtea, musika kendu une batez…).

Usurbilgo Matrakak Talde Feminista

“Beharrik ez izatea espero dugu baina oso garrantzitsua iruditzen zaigu, norbait erasotua izanez gero jakitea. Laguntzea nahi duen edo ez, bere iritzia errespetatuko da une oro, baina esan laguntzeko prest gaudela. Zoritxarrez denok dakigu alkoholaren aitzakiapean zer gertatzen den. Halako jarrera eta erasoak biderkatzen dira, azkena Barañaingo kasua. Jaietan (eta jaiak ez direnean ere) ez dugu jarrera sexista, homolesbofobo, transfobo eta putafoborik onartuko! Santixabeletan guztiok goza dezagun!!”

HIRU OHAR GARRANTZITSU

  1. Erasotutako emakumearen erabaki guztiak errespetatuko ditugu.
  2. Ez dago salaketa ezartzera behartuta, berak hala nahi ez badu behintzat.
  3. Sexu erasoa bada, jakinarazi behar diogu ez duela arropaz aldatu behar, ez eta bere burua garbitu behar ere, eta aho-bortxaketa bada, ez duela jan edo edan behar, erasotzailea identifikatzeko frogak desagertu daitezkeelako.

Santixabeletako txosnagunea: “Gazteak parte hartzera animatu nahi ditugu herriko jaietan”

Txosna kartela

Aurtengo Santixabeletako txosnagunea leku berria du: Mikel Laboa plaza. Dagoeneko prest daude jaietarako. Usurbilgo Jai batzordean parte hartu hartu duten txosnaguneko antolaitzeek egitarau zabala antolatu dute. Gaur hasi eta igandera arte badago zer gozatua txosnagunean.

Txosnako guneko egitaraua prestatzeko herriko hainbat mugimenduek parte hartu dute: Udalaren laguntzarekin Usurbilgo Matrakak, Ernaik, UGAk eta Udarregi Ikastolak. Ekimen guztiek eskaintza anitza eta parte hartzailea izatea dute helburu: “Gazteak parte hartzera animatu nahi ditugu herriko jaietan. Uste dugu azken urteetan beherakada bat eman dela gazteen parte hartzean eta berriz ere hori sustatu nahi dugu, gazteen presentzia egotea festetan. Horretan oinarrituriko egitaraua osatu dugu”.

Bestalde, ia egunero txosnetan jan edana egongo dela adierazi dute txosnako antolatzaileek.

Txosnaguneko oharra: “Txosnagunea eremu askea da, ez da eraso arrazista, sexista eta homofoborik onartuko. Gora jai herrikoi, euskaldun eta parekideak!”.

TXOSNAGUNEKO EGITARAUA

Uztailak 1, asteazkena

  • 06:00 Oilasko biltzaileen gosaria eta irteera.
  • 14:00 Oilasko biltzaileen etorrera eta bazkaria.
  • Ondoren, oilasko biltzaileen jolasak.
  • 01:30 Bertsio gaua.

Uztailak 2, osteguna

  • 18:30 Poteo elegantea txosnetatik hasita.
  • 21:00 Paellada.
  • 02:00 DJ Ziribulio.

Uztailak 3, ostirala

  • 12:00 Kantu-triki poteoa.
  • 14:00 Gazte bazkaria.
  • Ondoren, Motxaila Band Elektrotxaranga.
  • 01:30 Kontzertuak: Skasti eta Eromeria.

Uztailak 4, larunbata

  • 12:00 Euskal Preso eta Iheslarien eskubideen aldeko kantu-jira.
  • 14:00 Zikiro jana (Askatasuna plazan).
  • 20:00 Euskal Preso eta Iheslarien eskubideen aldeko ekitaldia (Askatasuna plazan).
  • 23:00 Kontzertuak: Izeberg, Habeas Corpus eta Betagarri (frontoian).
  • 02:30 Gatxet MJ

Uztailak 5, igandea

  • 07:00 Gaupaseroen argazkia.
  • Ondoren, Eonian! Elektrotxaranga.
  • 18:00 Tortila patata lehiaketa.
  • 00:00 Kontzertuak: Kezka eta Erokomeri.

Ondo pasa!

 

Usurbilgo bus-taxi zerbitzua uztailean goizez bakarrik eta abuztuan eten egingo da

Usurbilgo bus-taxi zerbitzuak ordutegi berria izango du uztailean; goizez bakarrik ibiliko da, arratsaldean berriz ez da zerbitzurik egongo:

  • 07:30 – 08:30
  • 10:30 – 11:30
  • 13:00 – 14:00

Jai egunetan ez da zerbitzurik izango

  • Uztailak 2, osteguna: Santixabel eguna.
  • Uztailak 31, ostirala: San Inazio eguna.
  • Abuztuan zerbitzua eten egingo da.

Irailean ohiko ordutegi zerbitzua martxan

Irailean 1 ean (asteartea) martxan jarriko da Bus-Taxi zerbitzua. Astelehenetik ostiralera, egunero bost itzuli egingo ditu. Geltokiak ohikoak izango dira. Informazio gehiagorako: 630 643 596.

  • 7:30 – 8:30
  • 10:30 – 11:30
  • 13:00 – 14:00
  • 15:30 –  16:30
  • 19:00 – 20:00

Larunbateko Euskal Preso eta Iheslarien eskubideen aldeko ekitaldia Askatasuna plazan egingo da

Santixabelak kalejira

Uztailaren 4a Euskal Preso eta Iheslarien Eskubideen aldeko eguna izango da Santixabel jaietan. Usurbilen Nahi Ditugu herri mugimenduak egun honetarako bi ekimen antolatu ditu, jaietako egitarauan barne daudelarik. Ohar baten bidez jakinarazi dute aldaketa bat dagoela arratsaldeko ekitaldian, leku aldaketa hain zuzen ere: “Txosnetako gunea aurten aldatu egin da eta larunbatean ordu berean hainbeste gauza daudenez (gazteen DJ, herri kirolak, buruhandiak…) Askatasuna plazan egitea pentsatu dugu. Eguerdiko kantu-jira ere puntual aterako dela jakinarazi nagu dugu”.

  • 12:00etan Euskal Preso eta Iheslarien Eskubideen aldeko kantu jira Mikel Laboa plazatik hasita (puntual aterako da).
  • 20:00tan ekitaldia  Askatasuna plazan eta ondoren pintxo potea.

Gaur 18:00tan 2015-2019 legengintzaldiko lehen osoko bilkura burutuko da

usurbilgo+udalaGaur (ekainak 30) arratsaldeko 18:00tan 2015-2019 legengintzaldiko lehen osoko bilkura burutuko da udalbatza aretoan. EHBilduko Xabier Arregi alkateak gidatuta, gaurko bilkura izendapenen eta eraketa gehiagoren saioa izango da, batzorde informatzaileak osatu edota organo eta erakunde ezberdinetan Udalak izan beharreko ordezkariak izendatuko dira.

Gai zerrenda:

  1. 2015eko ekainaren 13ko aktaren onespena.
  2. Ohiko udalbatza plenoko ordua zehaztea.
  3. Batzorde informatzaileen kopurua, izena eta osaketa.
  4. Zinegotzi liberatuen dedikazioa eta ordainsaria.
  5. Udal ordezkaritza beste organo eta erakundeetan.
  6. Alkatearen dekretuen berri ematea: 2015/0592 dekretua: Tokiko Gobernu Batzarreko kideen izendapena, 2015/0593 dekretua: Alkateordeen izendapena eta 2015/0270 dekretua: Alkatearen hainbat eskuduntzen eskuordetzea.
  7. Udal talde politikoen eraketaren berri ematea.
  8. Galderak, eskaerak eta mozioak.

Askatasuna plazako haur jolasak ze kostu izango duen eta nork jarriko duen erabaki da

Jolasa2

Usurbilgo Udalak Askatasuna plazako haur jolasak aukeratzeko prozesua martxan jarri zuen maiatzean, iritziak jasotzeko prozesu bat hain zuzen ere. Etxe guztietan postalak banatu ziren, hiru proposamenen artean aukeraketa egiteko. Sutegin ere ikusgai jarri ziren hiru poposamenak. Guztira 248 bozka jaso dira.

Usurbilgo Udala: “Eskerrak eman nahi dizkiegu parte hartu eta beraien iritzia eman dutenei”.

Herritarren iritzia jaso ondoren, balorazio tekniko eta ekonomikoa egin du Udalak eta horren berri eman du:  “Prozesu guztiaren emaitza kontutan izanda esleipena egin dugu irabazi duen hornitzailearekin eta herriko festen ondoren egingo dira zorua prestatzeko lanak eta jokoen ezarpena. Lanak uztaila amaierako bukatuak egotea aurreikusten da”.

Jolasen aukeraketa egiteko garaian baloratutako alderdiak eta puntuazioak:

Udala1

Alderdi teknikoa baloratzeko oinarrietako irizpideak hartu dira aintzat. Guztia konbinatuta, honako taula honek jasotzen du aurkeztu diren enpresek jasotako puntuazioa:

Udala2

Puntuazio altuena  A aurkerak izan du: BENITO URBAN Enpresa. Eta jolasen kostua honakoa izango da: 57.868,25 (BEZ barne)

Jolasa1

www.usurbil.net