Gaur urtebete aurkeztu zituen Sortu ezker abertzaleko alderdi politikoak bere estatutuak jendaurrean, eta oraindik ez da legezkoa. Amaiur koalizioak haren legeztatzea aldarrikatu du gaur Espainiako Kongresuan, Iker Urbina diputatuak Justizia Batzordean egindako parte hartzearen bidez.
Urbinak ilegalizazio politika alde batera uzteko eskatu dio gobernuari: Sorturen auzian argi ikusi den bezela, alderdi politikoen erregistroan ez onartzeko erabakia politikoa da. Eta gauza bera da Auzitegi Konstituzionalak oraindik ebazpenik kaleratu ez izana.
Iker Urbinaren arabera, beharrezkoa da Sorturen legalizazioa Euskal Herriaren normalizazio eta demokratizazioa gauzatzeko. Ezinbestekoa da Sortu legezkoa izatea alderdien arteko elkarrizketa politikoa behar bezala egin eta akordioa lortzeko.
