Daily Archives: 2012/03/15

Euskalduna naiz eta harro nago! Larunbatean denok Donostiara!

Euskaraz Bizi Eguna 2012

EHEk deituta Euskaraz Bizi Eguna ospatuko da larunbat honetan,  martxoaren 17an Donostian. Auzolanetik sortutako egitarau zabala izango du euskaraz bizitzeko hautuari hauspoa eman eta jaia eta aldarrikapena uztartuko dituen egitsmoak. Egitarau zabal horren baitan, azpimarratzekoa izango da Euskalduna naiz eta harro nago! lelopean egingo den Nazio Manifestazioa.

EHE: Euskaraz bizitzearen aldeko hautuari behar duen bultzada emateko eguna dugu Euskaraz Bizi Eguna; norbanako zein komunitate, euskaldunok sasi artetik salto egin eta garenaz harro gaudela erakusteko eguna dugu Euskaraz Bizi Eguna; herri euskaldunaren eta euskararen alde egotetik  harago, horren alde egiteko prest gaudela adierazteko eguna dugu Euskaraz Bizi Eguna.

Ezker Abertzaleak ere larunbaterako Euskal Herrian Euskaraz mugimenduak antolatutako Euskaraz Bizi Egunarekin bat egin du: Egun honetan jaia eta aldarrikapena uztartuko ditugu, egun aproposa gure hizkuntza gure bizi taupada dela adierazteko.

EHEk martxoaren 17an Donostian egingo den Euskaraz Bizi Eguneko Euskalduna naiz eta harro nago! lelodun Nazio Manifestazioari  atxikimendua emateko gonbitea egin digute.  Atxikimendua emateko www.euskalherrianeuskaraz.org

Egitarau zabala larunbatean:

  • Goizean (Trinitate plazan): 11:00 Txupinazoa, kalejira eta bihurrikeriak Bonberenea Txarangarekin eta Porrotx pailazoarekin: Puzgarriak eta haurrentzako tailerrak eta azoka, musika, kale-animazioa eta kantu-jira Alde Zaharreko kaleetan barna. 11:30 Hizkuntza jokabideen tailerra San Telmo aretoan. 12:00 Bakarrizketa saioak San Telmo aretoa
  • Eguerdian (Konstituzio plazan): Ehunka lagunentzako herri bazkaria eta kantu jira.
  • Arratsaldean: 18:30 Nazio manifestazioa Bulebarretatik hasita. Euskalduna naiz eta harro nago lelopean kalejira alai eta koloretsua eginen da. Ondoren Patxaranga alde zaharreko kaleetan barna eta herri dantzak Konstituzio plazan
  • Iluntzean (Trinitate plazan): Kontzertuak:  Skakeitan, 3gabe2 eta Betagarri

PNVeta PSOEk atez atekoarekin darabilten alderdikeria salatu du Bilduk

Gipuzkoako 34 alkatek atez-atekoa gaikako bilketaren aldeko apustua egiten zutela iragarri eta gero sortutako erreakzioak aztertu dutu Bilduk:

Uste dugu eragile batzuk bazterrak nahasten ari direla eta komenigarria dela gaiari behar bezala heltzea eta zurrunbilo mediatiko eta titular batzuen atzean benetan zer dagoen azaltzea, jarrera horiek ez daukatelako ez hanka ez bururik. Atez atekoa ezartzeko prozesuak behar bezala egingo ditugu. Usurbil, Hernani, Antzuola eta Oiartzun egin bezala, 34 herri horietan prozesu parte hartzaileak jarriko ditugu martxan. Inork ez dezala inongo zalantzarik izan Bilduk herritar guztien kezkak eta zalantzak argituko dituela, eta guztien iritzia kontuan hartuko dituela.

Gipuzkoarrok ongi egiten dugu eta demostratzera goaz. Eta gauzak ongi egiten direnean berdin da alderdi batekoa izan edo bestekoa, atez-atekoa ezarrita dauden lau herrietan ikusi dugun moduan. PSE eta PNVri esan nahi diegu bere interes partidistak alde batera uzteko eta hondakinen arazoari irtenbideak bilatzen hasteko, eta horrela bada seguru elkar ulertzen hasiko garela.

Adierazpen osoa irakurtzeko: www.bildu.info

Gogoratu bestalde, martxoaren 16an, Usurbilen hondakinen atez ateko bilketak hiru urte beteko dituela eta honen inguruan, igande honetan, Gipuzkoa Zero Zabor  bilguneak ekitaldia antolatu duela Usurbilen. Eguerdiko 12:00etan, dema plazan, herritarrek Atez Ateko Bilketarekiko atxikimendua adierazi ahal izango dute. Dema plazara kubo marroiekin gerturatzeko gonbita egin diete herritarrei. Ekimen honetan, atez ateko bilketa martxan jarri asmo duten 34 udalerrietako ordezkariak bertan izatea ere aurreikusia dago.

Atez ate aurrera!

Ezker Abertzaleak greba orokorrera deitu du

Martxoaren 29rako ELA, LAB, ESK, STEE-EILAS, EHNE eta Hiru sindikatuek deitutako greba orokorrarekin bat egin du Ezker Abertzaleak:

Eusko Herriko langileriaren eskubide sozial eta laboralen defentsan irmo aritu da euskal sindikalgintza. Aurreko hiru greba orokorretan egin moduan, Azker Abertzaleak ere euskal jendarte osoari deia luzatzen diogu, greba orokorrean parte hartuz, aldaketa politiko eta sozialeko motor bihur dadin. Murrizketa sozial larrien egoera honi erantzun irmoa eman behar diogu. Eta era bateratuan egin behar dugu, alderdiak, sindikatuak, eragile sozialak zein jendartea bat eginik. Bakoitza bere esparrutik eta era koordinatuan, ahal den neurrian indarrak bilduz murrizketei aurre egin eta alternatiba bat artikulatzeko.