Jaietan “Herritarron borondatea errespetatu, Erraustegirik ez!” pankarta udaletxeko balkoian

Arg.: Usurbildarrak aurrera

Aurtengoan ere Santixabeletan aldarrikapenetzako tartea izango da. Astearten (ekainak 27) Udalean egindako osoko ohiko bilkuran Usurbilgo Udaleko balkoian datozen jaietan zehar “Herritarron borondatea errespetatu, Erraustegirik ez!” lelodun pankarta jartzea onartu zen gehiengo osoz. EHBilduk aurkeztu zuen mozioaren bidez hartu zen erabaki hau. Mozioaren bidez, Usurbil erraustegiaren aurka dagoela modu argian agerrarazi nahi da.

Arg.: Usurbildarrak aurrera

EAJ-PNV aurka eta PSE abstenitu

Arg.: Noaua!

EHBilduk babestu zuen testuaren aurka agertu ziren EAJ-PNVko zinegotziak eta PSE-ko udal ordezkaria abstenitu egin zen. Bi alderdi hauen jarrera ikustean Xabier Arregi alkateak Gobernu taldearen izenean hau adierazi zuen: “Zoritxarrez gaiak hor dirauen artean, gai honi lotutako erabakiak hartzen segi beharrean aurkituko gara. Mozioa udalbatzak bere osotasunean onartu asmoz aurkeztu dugu, gai honetan zentzua nagusitu eta erraustegia bertan behera geratzeko desioa agertzearekin batera”.

Herritarren haserrea

Udalbatza aretora gerturaturiko zenbait herritarren artean haserrea eragin zuen oposizioko EAJ eta PSEko zinegotzien jarrerak: “Hemen ari zarete isilik irensten goitik esandakoa. Mundu mailako zientzialari eta medikuek argitara emandako azterlanetan egiaztatu ahal izan dute, lotura argia dagoela erraustegia eta gaixotasunen areagotzeen artean. Zuen jarrera ulergaitza da. Garai batean Gipuzkoako PSOE-ko ordezkariek bezala, Madrileko PSOEren idazkari nagusia edota alderdi bereko beste hainbat ordezkari garrantzitsu, erraustegiaren aurka mobilizatzen ari diren honetan, zer gertatatu da jarrera aldatzeko? Erraustegia martxan jartzen bada, eta ondorioz, gaixotasunak hedatzen hasten direnean, herri honen aurrean, zuek izango zarete arduradunak”.

EAJ eta PSE, beste behin isilik

Bertaratutakoek erraustegiak herritarren osasuna arriskuan jar dezakeela ohartarazi arren, oposiozioko udal taldeak, EAJ eta PSE, isilik geratu ziren.

Erraustegirik ez! mozioa

“Behin eta berriz erakutsi izan du Usurbilgo herriak, eta Gipuzkoako gehiengo zibilak, Zubietan egin asmo duten erraustegiaren aurka dagoela. Esaldiak dioen bezala, “burua duenak ez du ondoan nahi eta bihotza duenak ez du inon nahi”.

Urte luzeetako dinamika daramagu erraustegiaren aurka, Zubietan ezartzeko asmoa erakutsi aurretik eta ostean. Hainbatetan errepikatu ditugu erraustegi toxiko horren aurka dauzkagun arrazoi ezberdinak: inguruetako herritarren osasunari loturikoak, ekonomikoak, etikoak, demokratikoak, … Herritarrek ere iritzia argi eta garbi helarazi ziguten udazkenean egindako galdeketan.

Usurbil herri eredugarria da, konpromiso zibikoan eta bilketa selektiboko tasetan. Erraustegia kilometro batetara eraikitzea, zigor krudel gisara ulertzen dugu.

Horregatik, mozio honen bidez, herri hau erraustegiaren aurka dagoela modu argian agerrarazi nahi dugu, eta honako puntuak udalbatzak onartu ditzan eskatzen dugu:

  1. Udaletxeko balkoian Herritarron borondatea errespetatu, Erraustegirik ez!” lelodun pankarta jartzea.
  2. Herruko eta eskualdeko hedabideetara, erabaki honen berri helaraztea”.

Informazio gehiago

Utzi erantzun bat

Please log in using one of these methods to post your comment:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s