Usurbilgo EHBildu: “Oso pozik gaude lortutako emaitzekin, udal hauteskundeetan zortzikoari eustea zen gure helburu nagusia eta lortu dugu”

EHBIldusurbil

Usurbilgo EHBilduk maiatzaren 26an burutu ziren udal, foru eta Europako hauteskundeen inguruan balorazioa egin du. Herritarrei zoriondu eta eskerrak eman dizkiete EHBilduri emandako babesarengarik. EHBilduk zortzi eserleku eskuratu ditu eta beraz, Agurtzane Solaberrieta izango da Usurbilgo alkatea.

Usurbilgo EHBildu

“Irabaztera aterako ginela esan genuen, eta lortu dugu! Udal, Foru eta Europako Hauteskundeak irabazi ditugu Usurbilen! Zuei esker lortu ditugu emaitzok, eta, beraz, ezer baino lehen, eskerrak eman nahi dizkizuegu. Mila-mila esker EHBilduri babesa emateagatik eta gure lantaldearengan jarritako konfiantzagatik!

Oso pozik gaude lortutako emaitzekin: udal hauteskundeetan zortzikoari eustea zen gure helburu nagusia, eta lortu dugu, nahiz eta duela lau urte baino 60 boto gutxiago atera. Gehiengoa badugu ere, gainerako alderdiekin adostasunetara iritsi nahiko genuke; izan ere, emaitzek erakutsi duten bezala, gure herria anitza da, sentimendu politikoz anitza, eta guztiona eta guztiontzat den Usurbil eraiki behar dugu.

Azkenik, orain arteko udal-gobernuak egin duen lana txalotu nahi dugu; herritarrek ere txalotu egin dute kudeaketa bikain hori. Dena eman dute usurbildarren alde, usurbildarrok hobeto bizi gaitezen. Bide hori jorratzen jarraitu nahi dugu, herritarrekin batera, elkarrekin burujabe garelako”.

EHBilduUsurbil2

Agurtzane Solaberrieta

Agurtzane Solaberrieta“Herri interesak lehenetsiz, elkarri entzunez, elkar begiratuz, hitz eginez, aliantzak zabaltzera eta adostasun berriak lantzeko bokazioz nator, bai oposizioarekin, bai herriko eragileekin, auzoekin, eta, nagusiki, inor bazterrean utzi gabe. Kasik talde berria dugu, baina ilusioz eta gogoz gatoz lanera, gure onena ematera, gure herria maite dugulako: udal-gobernuko bulegoko ateak uneoro zabalik izango dira, eta herritar guztiei behar duten denbora osoa eskaintzeko asmoz gatoz”.

Informazio gehiago

Utzi erantzun bat

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.