Erraustegiaren Aurkako Mugimenduak Zubieta Lantzen elkartearen ekimena diruz laguntzeko finantzazio kanpaina bat martxan jarriko du

incineradora-no2

Erraustegiaren Aurkako Mugimenduak Donostialdeko erraustegiaren kutsadurak kontrolatzeko Zubieta Lantzen elkarteak antolatu duen ekimenarekin bat egien duela adierazi du. Gipuzkoako herritarrei dei egiten diete ekimen hau babesteko eta horretarako Erraustegiaren Aurkako Mugimenduak finantzazio kanpaina bat martxan jarriko duela iragarri du, hain zuen ere, crowdfunding edo diru-bilketa herrikoi bat: “Horrelako ikerketa abian jartzeak koste ekonomikoak dauzkanez eta herritar asko prest agertu garenez gure aportazioa egiteko, Erraustegiaren Aurkako Mugimenduak finantzazioa lortzen konprometitzen gara”.

Erraustegiaren Aurkako Mugimendua

Babestu eta lagundu dezagun Erraustegiaren kutsaduren kontrol independentea

“Erraustegiaren Aurkako Mugimenduan biltzen garen talde eta herritarrok bat egiten dugu Donostialdeko erraustegiaren kutsadurak kontrolatzeko Zubieta Lantzen elkarteak antolatu duen ekimenarekin eta Gipuzkoako herritarrei dei egiten diegu babestu dezaten.

Jakina da erraustegiek kutsadura eragiten dutela eta kaltegarriak direla ingurumenarentzako eta pertsonentzako. Jakina da ere batean eta bestean erraustegiek segitzen dutela martxan agintariek ez dituztelako behar bezala neurtzen eta kontrolatzen sortutako kutsadurak. Horregatik pozgarria da ikustea Zubieta Lantzenek sustatutako kontrol zientifiko ahalegina, beraien hitzetan esan bezala “amesgaizto honen aurkako autodefentsa neurri gisa” planteatua.

Gipuzkoako Foru Aldundiak eta haren arduradun diren EAJko eta PSEko buruzagiek ez dute eten nahi erraustegia abian jartzeko erabakia. Gipuzkoako agintari nagusiek ez dute kontuan hartu Gipuzkoan bertan dagoeneko udalerri askotan demostratu dela badirela errausketarik gabeko alternatiba garbiago, merkeagoak eta osasuntsuagoak; ez dituzte kontuan hartu nahi Gipuzkoako herritarren gehiengoaren nahiak eta protestak.

Herritar eta talde asko, tartean Errausketaren Aurkako Mugimenduan biltzen garenok, saiatu gara agintarien jarrera aldarazten, baina, antza denez, erraustegien atzean dagoen lobbyarekin alderdi hauek dauzkaten lotura eta menpekotasuna gailendu da. Harro harro diotenez, Zubietako erraustegia laster martxan jarri nahi dute. Guk borrokan jarraituko dugu, ahal bada erraustegia piztu ez dezaten, eta piztuko balute ahalik eta azkarren itzalarazteko. Baina EAJ eta PSEko agintarien jokabidea ikusita, prest egon behar dugu erraustegiaren kalteak ezagutu eta neurtzeko ere.

Agintariek egin beharko luketen baina egin nahi ez duten lana gizarte mugimendu batek sustatzen duenez, lan serio honek herritar guztion laguntza behar eta merezi du. Horregatik, Errausketaren Aurkako Mugimenduak babes osoa ematen dio ToxicoWatch eta Euskal Herriko beste enpresa batek egingo dioten ikerketari eta gure bitarteko guztiak jarriko ditugu gardentasun ariketa hau ahalik eta herritar gehienengana iritsi dadin, denok jakin dezagun gure ingurunea dagoeneko nola dagoen, eta erraustegia pizten badute, gauzak zertan diren.

Horrez gain, horrelako ikerketa abian jartzeak koste ekonomikoak dauzkanez eta herritar asko prest agertu garenez gure aportazioa egiteko, Erraustegiaren Aurkako Mugimenduak finantzazioa lortzen konprometitzen gara. Datozen egunetan crowdfunding edo diru-bilketa herrikoi bat abiatuko dugu, norbanako eta eragileei zuzendua, ekimen honek bere fruituak eman ditzan, eta herritarrok kutsadurari buruzko gure datu zientifikoak gure eskuetan izan ditzagun”.

Informazio gehiago: erraustuez.org

Utzi erantzun bat

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Aldatu )

Google photo

You are commenting using your Google account. Log Out /  Aldatu )

Twitter picture

You are commenting using your Twitter account. Log Out /  Aldatu )

Facebook photo

You are commenting using your Facebook account. Log Out /  Aldatu )

Connecting to %s

This site uses Akismet to reduce spam. Learn how your comment data is processed.