Category Archives: Orokorra

Txokoaldeko parte hartze prozesuaren lehen saioa urriaren 23ra atzeratu dute

TxokoaldeIrailaren 25eko batzarra (Arg.: Usurbilgo Udala)

Txokoalden parte hartze prozesu bat abiatu da. Irailaren 25ean abiapuntu moduan bilera bat egin zuten auzoko bizilagunak eta udal ordezkariek. Han hitz egindakoarekin jarraitzeko, parte hartze prozesuaren lehen saioa urriaren 9rako deitu zen baina deialdia atzeratu egin zuten. Orain, prozesuko parte hartzaileek, urriaren 23rako (asteazkena) hitzordu berria finkatu dute. Arratsaldeko 19:30ean hasiko da, Txokoaldeko Akerra Gaztetxean. Hiritik At kooperatibak dinamizatuko du prozesua; guztira hiru lan saio egitea aurreikusi dute, eta, amaitzean, arkitektura proiektu bat definituta izatea da asmoa. Irakurtzen jarraitu

Usurbilgo Gure Esku Dagok deituta, gaur elkarretaratze zaratatsua Mikel Laboa plazan

U14-GED

Gaur (urriak 14) Usurbilgo Gure Esku Dagok, Mikel Laboa plazan “Erreferenduma ez da delitua. Askatasuna” lemapean elkarretaratze zaratatsua egingo du 19:00etan. Espainiako Auzitegi Gorenak espetxe zigorra ezarri die Kataluniako 2017ko urriaren 1eko erreferendumagatik epaitu dituen bederatzi buruzagi independentistari. Behin-behinean espetxean zeudenak dira kartzelara zigortu dituenak. Beste hiru, berriz, desobedientziagatik zigortu dituzte, eta, beraz, ez dira espetxera joango. Gure Esku dagok herritarrie kalera ateratzeko deia egin die eta zarata atera dezakeen zerbait eramateko: txilibituak, kazola zaharrak, sirenak, danborrak,…. irudimena libre! Irakurtzen jarraitu

Etxerat Elkarteak dispertsioarekin amaitzeko hainbat gizarte-eragilek eginiko eskaera txalotu du

etxerat logoa

Etxerat Elkarteak (Euskal preso eta iheslari politikoen senide eta lagunen elkartea) dispertsioarekin amaitzeko hainbat gizarte-eragilek eginiko eskaera txalotu du. Euskadiko GGKEn Koordinakundeko ordezkariak, Federació Catalana d’Organitzacions per la Justícia Global eta REAS Euskadik eginiko adierazpena goraipatu  du Etxerat Elkarteak, bertan eginiko autokritikan zintzotasuna adieraztegatik eta bakeari, konponbideari eta elkarbizitzari ekarpenak egiteko nahia adierazteagatik. Irakurtzen jarraitu

Kataluniako buruzagi independentisten aurkako epaia jakiten den egunean elkarretaratze zaratatsua Usurbilen

UGED deialdia

Espainiako Auzitegi Gorenak Kataluniako buruzagi independentisten aurkako epaia pasa den astean emango zela iragarrita zegoen baina badirudi atzeratzen ari dela eta aste honetan izango dela zabaldu da. Horrela gertatzen bada, kalera ateratzeko deia egin da Euskal Herria osoan. Usurbilgo Gure Esku Dagok epaia jakiten den egunean, Mikel Laboa plazan elkarteratze zaratatsua egingo duela jakinarazi du: “Adi egon! Kataluniako buruzagi independentisten aurkako epaia hurrengo astean izango dela dirudi. Epaia jakiten den egunean, Mikel Laboa plazan elkarteratze zaratatsua egitea da asmoa. Egunean bertan zehaztuko dugu ordua. Denok kalera, gure eskubideak ere jokoan dauden!” Irakurtzen jarraitu

Gaur mintzapraktika egitasmoaren jendaurreko aurkezpena egingo da Etumeta AEK euskategian

Mintzapraktika

Gaur, urriak 11, mintzapraktika egitasmoaren jendaurreko aurkezpena egingo da Usurbilgo Etumeta AEK euskategian, arratsaldeko 17:30ean. Egitasmo hau Etumeta AEK euskategiak, Noaua! Kultur Elkarteak eta Usurbilgo Udalak sustatzen dute eta helburua euskara ahotan hartzeko gune bat edo lagun arte bat eskaintzeko aukerak ematea da: “Euskara praktikatu nahi baduzu eta ez badakizu norekin egin, edo euskalduna izanda euskaraz bizitzeko aukera berrien bila bazabiltza, hainbat proposamen ditugu: mintzalagun taldeak, gurasolagunak, tailerrak, txangoak…”. Irakurtzen jarraitu

Larunbatean emakumezkoen eta gizonezkoen trainerilen estropadak ospatuko dira Aginagan

Aginaga trainerilak2

Larunbatean (urriak 12), Aginagako San Praixku jaien barruan, emakumeen eta gizonezkoen trainerila estropadak ospatuko dira Aginagan, Oria errioan, arratsaldeko 15:30ean hasita. Emakumezkoena IV. Ikurriña izango da  eta gizonezkoena berriz X. Ikurriña. Antolatzaileek Aginagara gerturatzeko gonbidapena luzatu diete herritarrei. Irakurtzen jarraitu

“Xua Gurasoekin Etxera!” herri ekimenaren kantu-bideoklipa aurkeztu dute

“Xua gurasoekin etxera!” herri ekimenak ‘Xua gurasoekin etxera!’ kantu-biodeklipa aurkeztu du. Kantua uda honetan prestatua eta grabatua izan da, Orioko Amasoian baserrian, Orio, Usurbil eta Zarautzeko musikari eta artisten laguntzarekin. Koreografia ere badu kantuak, herriko dantzariek prestatutakoa. Irakurtzen jarraitu

Igandean Zubietako errebote plazan Endika Abril Errebote Txapelketako finalerdiak jokatuko dira

 

errebotea

56. Endika Abril Errebote Txapelketaren azken faserako zortzi taldeetatik lau sailkatu dira: Zubieta taldea, Oiartzungo Txost, Hazparneko Noizbait eta Donibane Lohitzuneko Luzean. Orain arte hiru jardunaldiz osaturiko ligaxka jokatu dira. Urriaren 13an (igandea), goizeko 9:00etan jokatuko dira finalerdiak Zubietako errebote plazan: Irakurtzen jarraitu

Altsasuko gazteei Espainiako Auzitegi Gorenak jarritako espetxe zigorrak salatzeko gaur Usurbilen mobilizatzeko deia

Altsasu-U10

Atzo jakin zen Altsasuko zortzi gazteei Espainiako Auzitegi Gorenak jarritako espetxe zigorren azken epaia. Zigorrak jaitsi diren arren, 79 urtetik 51 urtera neurri gabeko epaia izaten jarraitzen du. Auzitegi Nazionalaren aurreko bi epaietan diskriminazio gisa ezarritako larrigarria kendu egin du Espainiako Auzitegi Gorenak, eta, ondorioz, Aratz Urrizolari eta Iñaki Abadi kendu egin die lesio delitua. Horregatik, 79 urtetik 51 urtera murriztu du espetxe zigorra, eta egun espetxean diren zazpi gazteei hiru urte eta bi hilabete, eta bederatzi urte eta sei hilabete arteko zigorrak ezarri dizkie. Irakurtzen jarraitu