Category Archives: Orokorra

Usurbilgo Gaztelekuak ekaina eta uztailerako eskaintza zabala prestatu du

Usurbilgo GaztelekuaUsurbilgo Gaztelekuak ekaina eta uztailerako eskaintza zabala prestatu du: irteerak, jolasak, margolan tailerrak,  pizza tailerrak, txangoak,… Irakurtzen jarraitu

Agurtzane Solaberrieta Mesa Usurbilgo alkate berria izango da

2019-23 legealdia1Ezkerretik hasita eta goitik behera: Carlos Perez, Patxi Suarez, Josune Urkola, Luken Arkarazo, Itziar Basterrika, Aroa Etxeburua, Oxkar Santamaria, Andoni Atxega, Mirari Azurmendi, Lur Etxeberria, Agurtzane Solaberrieta, Beñat Larrañaga eta Joxe Mari Iribar. (Arg.: Noaua!)

Pasa den larunbatean maiatzaren 26ko udal hauteskundeetatik sortutako udalbatza berria osatu zen, hutatuak izan ziren ordezkariek euren karguak hartu zituzten. Eta horrela, datozen lau urtetarako Usurbilgo alkatea berria Agurtzane Solaberrieta Mesa izango da. Xabier Arregiren (azken lau urteetako alkatea) eskutik jaso zuen aginte zumea. EH Bilduk gehiengo osoa lortu duenez, Agurtzane Solaberrieta Mesa lehen bozketan izendatu zuten alkate. EAJ-PNVko ordezkariek euren hautagaiaren alde egin zuten eta PSE-EEko ordezkariak zuri bozkatu zuen. Irakurtzen jarraitu

Ekainaren 19an 2020ko Euskaraldiaren bigarren edizioa prestatzeko bilera irekia herriko eragileekin

Euskaraldia

Ekainaren 19an (asteazkena), Usurbilgo Euskaraldiko batzordeak bilera irekia egingo du Potxoenean, 19:00etan. Bertan 2020ko Euskaraldiaren bigarren edizioa prestatzen jarraitzeko bilera irekia egingo da herriko eragileekin. Deitzaileek batzordean edonork parte hartu dezakeela jakinarazi dute. Irakurtzen jarraitu

Asteartean Irrien Lagunak Usurbilera etorriko dira

Irriak plazan 2019

Badatoz berriz ere Irrien Lagunak Usurbilera! Asteartean (ekainak 18), Noaua! Kultur Elkarteak antolatuta, “Irriak Plazan” ikuskizuna egongo da herriko frontoian, 17:30ean. Bertan izango dira Tiritatxo eta Martinbertso pertsonaiak. Irakurtzen jarraitu

Xabier Arregi Iparragirre: “Usurbildarrok: zorte oneko izan naiz halako herri batean aritzeagatik”

XabierArregi

Larunbat honetan (ekainak 15) maiatzaren 26ko udal hauteskundeetatik sortutako udalbatza berria osatuko da, herritarren bozkek hautaturiko alkate eta zinegotziek karguak hartuko dituzte. Udalbatza berria osatzeko ekitaldia 12:00etan hasiko da, Usurbilgo Udaleko pleno aretoan. 2015-19 legealdian Usurbilgo alkatea (EHBildu) izan den Xabier Arregi Iparragirrek gutuna kaleratu du Noaua! astekarian “Hitz batzuk, lau urteren ondoren” izenburupean. Irakurtzen jarraitu

Atzo arratsaldean Txokoaldeko sarbidean bi autok elkar jo zuten, aste honetako hirugarren istripua

Istripua

Noaua! astekariak kaleratutako berrian, atzo (ekainak 13) arratsaldean beste auto istripu bat gertatu zen Usurbilen, N-634 errepidean, Galardin, Txokoaldeko sarbidean. Bi autok elkar jo zuten 20:00ak inguruan. Gogoan izan Txokoaldeko sarbidea N-634 errepideko puntu beltzetako bat dela. Osteguneko istripua, aste honetako hirugarren istripua da, izan ere asteazkenean, beste bi istripu gertatu baitziren, bata Osinalde industriagunean eta bestea Aginagan. Irakurtzen jarraitu

Igandean Maskarada Eguna ospatuko da Usurbilen

Maskarada1

Asteburu honetan (ekainak 15-16) kantu eta dantza festa izango da herrian. Larunbatean Zuberoan, Maule eta Urdiñarbe aldean ospatuko den Euskal Herria Kantuz egunean Usurbilgo Euskal Kantu Taldeak egunpasa antolatu du. Bertan, Euskal Herri osoko kantuzaleak bilduko dituen jaialdia ospatuko da. Eta igandean Maskarada Eguna ospatuko da Usurbilen. Maskarada urtero Zuberoan egiten den ekitaldia da, udaberriari ongietorria emanez. Urtarrilaren lehen igandetik apirila bukaera bitartean izaten da. Bertako herriek txandaka antolatzen dute. Aurten Urdiñarbe herriak antolatu du. Maskaradaren azken emanaldia Usurbilen egingo da. Irakurtzen jarraitu

Ekainaren 15ean Usurbilgo Udalbatza berria osatzeko ekitaldia Udaleko pleno aretoan

Ekainak 15

Atzo (ekainak 12) 2015-19 legealdiko Udaleko Batzorde informatzaileen, Tokiko Gobernu Batzordearen eta osoko bilkuretako azken aktak sinatzeko bildu ziren udal ordezkariak azken aldiz. Larunbatean (ekainak 15) berriz, maiatzaren 26ko udal hauteskundeetatik sortutako udalbatza berria osatuko da, herritarren bozkek hautaturiko alkate eta zinegotziek karguak hartuko dituzte. Udalbatza berria osatzeko ekitaldia 12:00etan hasiko da, Usurbilgo Udaleko pleno aretoan. Dagoeneko herritarrak bertaratzeko deia egina dago. Irakurtzen jarraitu

Atzo arratsaldean bi zauritu Aginagan eta Osinalde industriagunean izandako istripu banatan

Istripua

Atzo arratsaldean (ekainak 12) bi istripu gertatu ziren Usurbilen, bata Aginagan eta bestea Osinalde industriagunean. Bietan zaurituak egon ziren eta Donostia ospitalera eraman zituzten.
Irakurtzen jarraitu