Category Archives: Orokorra

Abenduaren 8an Odol Emaileen Eguna

OdolEmaileak

Abenduaren 8an (larunbata) Odol Emaileen Eguna ospatuko da eta azken urteetan bezala Usurbilgo Odol Emaileen Elkarteak bazkaria antolatu du Artzabal jatetxean, 14:00etan.
Irakurtzen jarraitu

Usurbilgo jubilatu elkarteek gaur pentsio duinen alde mobilizatzera deitu dute

Urriaren 4an N-634 errepide erdian jarri ziren “Pentsio duinak” pankarta zabalduz, gune hau herriko puntu beltzetako bat baita.

 

Usurbilgo jubilatuak, Euskal Herri osoan egiten ari diren moduan, eurengatik eta atzetik datozenengatik, guztiontzako etorkizun hobe baten alde ari dira lanean. Duintasunez bizitzea dute aldarrikapen nagusia eta gaur egun mobilizazio fase betean dira herri askotan. Gaur esaterako, azaroak 29, Usurbilgo Gure Pakeak, Santueneko Gure Elkarteak, Aginagako Arrate jubilatu elkarteak eta Duina mugimenduak antolatuta, pentsio duinen aldeko elkarretaratzea egingo da Mikel Laboa plazan 19:00etan. Irakurtzen jarraitu

Usurbilgo Udalak abenduaren 3an jai eta 6ean ohi bezala lan egingo duela jakinarazi du

usurbilgoudala

Usurbilgo Udalak abenduaren 3an (astelehena) jai eta 6ean (osteguna) ohi bezala lan egingo duela jakinarazi du ohar baten bidez. Euskararen Eguna eta Konstituzioaren Eguna aste berean egokitzen direnez, badira urte batzuk Usurbilgo Udaleko langileen gehiengoak adostuta, abenduaren 3a jaiegun bihurtu zutela, eta, abenduaren 6ean, lan egitea. Irakurtzen jarraitu

Ostiralean euskal presoen eta iheslarien eskubideen aldeko elkarretaratzea Mikel Laboa plazan

A30

Azaroaren 30ean (ostirala), hileko azken ostiralarekin bat, euskal preso eta iheslarien eskubideen aldeko elkarretaratzea egingo du Usurbilen Nahi Ditugu Elkarteak, 20:00etan Mikel Laboa plazan. Gogoan izan hiru herritar, Olatz Lasagabaster, Patxi Uranga eta euren alaba, Xua, Valentziako Picassent espetxean daudela, Usurbildik 600 kilometrotara. Irakurtzen jarraitu

Usurbilgo Udalak antolatuta abenduaren 1ean urteko azken ‘Harria Hitz’ kultura-ibilbidea

Harria Hitz abendua

Abenduaren 1ean (larunbata), Mikel Laboaren heriotzaren 10. urteurrenean,  Harria Hitz  kultura-ibilbidea egiteko aukera egongo da. Udalak jakinarazi du urteko azken bisita izango dela eta berezia gainera, izan ere, Eli Pagola bertsolaria eta Unai Gaztelumendi marrazkilariak parte hartuko baitute. Ohiko azalpenez gain, bat-bateko bertsoak eta ilustrazioak egingo dituzte. Irakurtzen jarraitu

Hitz Ahok antolatuta, azaroaren 27an haurren elikadurari buruzko hitzaldia Udarregi Ikastolan

udarregi-logoHitz Ahok (Udarregi Ikastolako guraso elkartea) antolatuta, azaroaren 27an (asteartea) haurren elikadurari buruzko hitzaldia eskainiko da. Hitzaldiaren helburua ume eta haurren elikaduran egunero dauden zalantzak argitzea da. Hitzaldia Udarregi Ikastolan (eraikin gorrian) egingo da, 17:00etan eta hizlaria Alazne Agirrezabalaga dietista-nutrizionista izango da. Hitzaldia HH2-LH 4. maila arteko ikasleen gurasoei zuzendua dago.

Kaio mokohoria Orioko kostaldean ikusten den lehenengoa, milaka kaio mokogorrien artean

Kaio mohokoria2Kaio mohokoria (larus canus) Orioko itsasadarrean

Usurbilgo Txoriak blogean (Usurbil eta Orio Beheko txoriak) jakin berri dugu urrian kaio ugari gerturatu zirela Orioko itsasadarrera eguraldi txarraren eraginez. Gehientsuak kaio mokogorriak izan ziren, sasoi honetan Ipar eta Erdialdeko Europatik etorrita Iberiar Penintsulara migratzen ari diren aleak: “Espezie hau gure kostaldean ohiko migratzailea bada ere, milatik gorako talde erraldoiak ikustea ikuskizun ederra da. Gainera, begiak zorroztuz gero ohikoak ez diren kaio-espezieak aurkitu ditzakegu”. Irakurtzen jarraitu

Gaur arratsaldean Usurbilgo gaztelekuan “Gertrudisen lagunak” ikuskizuna eskainiko da

2017_08_27_GERTRUDIS_DOSSIER_EUS

Usurbilgo Sutegi udal liburutegiak eta Gaztelekuak antolatuta, gaur, azaroak 26 (astelehena) “Gertrudisen lagunak” ikuskizuna eskainiko da Usurbilgo gaztelekuan, 18:00tan.
Irakurtzen jarraitu

Usurbilgo San Tomaseko sagardo eta babarrun lehiaketan parte hartzeko epea zabalik

SanTomasNoaua2018

Abenduaren 16an (igandea) Noaua! Kultur Elkarteak antolatuta San Tomas Azoka ospatuko da Usurbilen. Urtero bezala, sagardo eta babarrun lehiaketa egongo da: “Herritarren sagardoa dastatzeko eta babarrunak ikusteko aukera izango da, besteak beste. Aurten lehiaketa berritua izango dugu”.
Irakurtzen jarraitu