Category Archives: Orokorra

Santixabeletan Zirriborro tailerreko eta Eguneko Zentroko erabiltzaileen lanen erakusketa Sutegin

Erakusketa

Ekainaren 28tik uztailaren 2ra Usurbilgo Zirriborro tailerreko ikasleek eta Eguneko Zentroko erabiltzaileek urtean zehar eginiko sortze lanen (margolanak, eskulanak,…) erakusketa egongo da Sutegiko erakusketa aretoan. Irakurtzen jarraitu

Larunbatean “Xua Gurasoekin Etxera!” herri ekimena aurkeztuko dute Askatasuna plazan

Xua1

Xua, Olatz Lasagabaster eta Patxi Uranga euskal presoen alaba da eta jaio zenetik Usurbildik 600 kilometrotara  bizi da gurasoekin, Picassenteko  (Valentzia) espetxean.  Xuak espetxea utzi beharko du datorren urteko urtarrilean, 3 urte bete ostean. Egoera honen aurrean, Usurbilen Nahi Ditugu mugimenduak eta Usurbilgo eta Orioko lagunek, haurra gurasoengandik banatu ez dezaten eta hiruren etxeratzearen alde eskatzeko larunbatean (ekainak 22) Xua Gurasoekin Etxera! herri ekimena aurkeztuko dute  Askatasuna plazan, 12:00etan: Xua Gurasoekin Etxera! Ekimenaren xehetasunak Usurbilen emango ditugu aurkezpenean. Larunbata 12:00 askatasuna plaza. Bertan izango dira Xuaren aiton-amonak, senideak eta herri ekimen hau martxan jarri duten Orioko eta Usurbilgo lagunak. Bertan izango zaretelakoan agur bero bat”.
Irakurtzen jarraitu

Ekainaren 25ean 2019-23 legealdiko lehen osoko bilkura egingo da Udaleko udalbatza aretoan

usurbilgoudala

Maiatzaren 26ko hauteskundeen osteko 2019-23 legealdia martxan da Usurbilgo Udalean eta dagoeneko, lehen osoko bilkura deia egin da ekainaren 25rako (asteartea). Bederatzi puntuz osatutako gai zerrenda aztertuko dute astearten: Udalbatzarraren ohiko eguna aldatzea, zinegotzi liberatuen dedikazioa eta ordainsariak, Tokiko Gobernu Batzarreko kideen izendapena, Alkateordeen izendapena, Alkatearen hainbat eskumenen eskuordetzea…. Osoko ohiko bilkura Usurbilgo Udaleko udalbatza aretoan egingo da, 18:00tan. Bilkura hau irekia da eta edonor joan daiteke eta amaieran, galdera eta eskaeren orduan, hitza hartzeko aukera dago. Irakurtzen jarraitu

Ekainaren 22an G7 EZ plataformak antolatuta “Gipuzkoarrok G7ari EZ!” manifestazioa Donostian

G7EZ-E22

Abuztuaren 24, 25 eta 26an G7aren kunbrea ospatuko da Biarritzen, Lapurdin. Estatu Batuak, Kanada, Erresuma Batua, Frantzia, Alemania, Italia eta Japonia dira G7a osatzen duten herrialdeak, mendebaldeko blokeko herrialderik boteretsuenak, alegia. Honen aurrean, G7 EZ plataformak hainbat ekimen egingo dituela iragarri du, horietako bat ekainaren 22an (larunbata). Bilbon eta Gazteizen kalejirak egingo dituzte goizean zehar eta arratsaldean Donostian manifestazioa.
Irakurtzen jarraitu

Ekainaren 27an pentsio duinen aldeko elkarretaratzea Mikel Laboa plazan

Pentsio duinakArg.: Noaua!

Ekainaren 27an (osteguna) Usurbilgo Gure Pakea elkarteak, Santueneko Gure Elkarteak eta Aginagako Arrate jubilatu elkarteak antolatuta, pentsio duinen aldeko elkarretaratzea egingo da Mikel Laboa plazan, 19:00etan. Elkarretaratze hauek hilabetero egiten dituzte. Herritarrak bizitza duin baten aldeko borrokara batzeko deia egin dute deitzaileek. Irakurtzen jarraitu

Santixabel jaietan egingo diren zenbait herri bazkariren txartelak salgai jarri dira

 

Txartelak

Ekainaren 28tik uztailaren 2ra Usurbilgo Santixabel jaiak ospatuko dira. Egitarau zabala prestatu du Santixabeletako Jai Batzordeak, laister jaietako egitaraua etxean jasoko dugu. Bitartean, aurreko urteetan egin den moduan, jaietan egingo diren zenbait herri bazkariren txartelak dagoeneko salmentan jarri dira. Irakurtzen jarraitu

Etxerat Elkarteak Espainiako Gobernuari euskal presoei bide juridikoa egiteko oztoporik ez jartzeko eskatu dio

EtxeratArg.: Etxerat Elkartea

Etxerat Elkarteak Espainiako Gobernuari euren senide presoek bide juridikoa egiteko inongo traba edo oztoporik ez jartzeko eskatu dio. Ia bi urte igaro dira Etxerat Elkarteak euren senide presoen osasun asistentziaz eta asistentzia juridikoaz arduratuko zela iragarri zuenetik, presoek bide juridikoak egitea aukeratu zutenetik hain zuen ere. 2017ko uztaileko EPPK-ren eztabaidaren ondorioen agirian biltzen zen bezala, preso bakoitzak aukeratu beharko du bide ezberdinak hartzea, edo ez; hala nola, erredentzioak, espetxea, gradu aldaketak, baimenak edo baldintzapeko askatasuna. Ekainaren 13an guzti honen berri emateko Etxerat Elkarteak prentsaurrekoa eskaini zuen. Irakurtzen jarraitu

Sutegi Udal liburutegiak ekainaren 24tik irailaren 9ra ordutegia aldatuko du

Sutegi

Usurbilgo Sutegi Udal liburutegiak ekainaren 24tik irailaren 9ra ordutegia aldatuko du. Ekainean 24 arte ordutegi normalarekin jarraituko du, astean zehar goizez eta arratsaldez. Irakurtzen jarraitu

Santixabeletako Txozna Batzordeak protokolo bat sortzeko bilera deitu du

Usurbilgo Santixabel jaietako Txozna Batzordeak jaietarako protokolo bat sortzeko bilera deitu du astearte (ekainak 18) honetarako. Bilera Potxoenean egingo da, 18:00tan. Irakurtzen jarraitu