Txokoaldeko Akerra gaztetxean indarrean sartu dira, gauzak lapurtuz eta puskatuz

Txokoaldeko Akerra gaztetxeko lagunek sare sozialen bidez jakinarazi dute beste lapurreta jasan dutela lokalean. Euren esanetan beheko solairuan indarrean sartu eta gauzak lapurtu dituzte. Gaztetxeak 33 urte bete ditu eta aurrera begirako ekimenak bertan behera uztea baloratu duten arren, aurrera jarraitzeko asmoa adierazi dute gaztetxeko kideek. Aurretik bestelako gertaerak ere izan dituzte, kaleratu duten idatzian garbi azaltzen dute. Irakurtzen jarraitu

Ostiralean euskal presoen eta iheslarien eskubideen aldeko elkarretaratzea Mikel Laboa plazan

U26

Usurbilen Nahi Ditugu Elkarteak uztailaren 26an (ostirala), hileko azken ostiralarekin bat, euskal preso eta iheslarien eskubideen aldeko elkarretaratzea egingo du, Mikel Laboa plazan, 20:00etan. Gogoan izan hiru herritar, Olatz Lasagabaster, Patxi Uranga eta euren alaba, Xua, Valentziako Picassent espetxean daudela, Usurbildik 600 kilometrotara. Irakurtzen jarraitu

Abuztuaren 23, 24 eta 25ean Atxegaldeko jaiak ospatuko dira

Atxegaldeko jaiak

Abuztuaren 23, 24 eta 25an Atxegaldeko jaiak ospatuko dira. Urtero bezala Atxegaldeko Jai Batzordeak gogoz eta ilusioz prestatu du egitaraua nahiz eta euren ibilbidea aurtengo festekin amaitutzat ematen dutela iragarri. Ez dira faltako jaien hasierako kalejira, luntxa, kontzertuak, umeentzako jolasak, txokolatada, herri afaria, toka txapelketa, buruhandiak,… Irakurtzen jarraitu

Zubietarrek Gipuzkoako Errebote Txapelketa irabazi dute

Errebotea Zubieta6Zubieta taldea (Arg.: Noaua!)

Larunbat arratsaldean Gipuzkoako Errebote Txapelketaren finala jokatu zen Zubietako errebote plazan. Zubieta taldea Oiartzungo Txost taldearen aurka lehiaketu zen eta hiru ordu iraun zuen partiduaren ondoren, Zubietak irabazi zuen 13-10 emaitza lortuz. Iaz ere Zubietak irabazi zuen txapelketa, Txost taldearen aurka. Irakurtzen jarraitu

Idoia Torregarai: “Argi neukan kuadrillako ederra ez nintzela inoiz izango, graziosoa izatea zen nirea, horrek beti funtzionatu izan didalako”

IdoiaTorregarai2Arg.: Dani Blanco

Argia astekariak Idoia Torregarai usurbildarra elkarrizketatu du. Idoia UEUko komunikazio arduraduna  da eta bere lanez gain, azken urteetan umoregile moduan saio ugari eskaitzen dabil. Argia astekariak tartetxo bat eskaini dio papereko edizioan eta digitalean ere. Idoia kazetaria eta gidoilaria da. 23 urte daramatza UEUn, hasieran komunikazio arloan eta gaur egun arduradun moduan. Umorezale gisa Barretartia, umoreari buruzko euskarazko blogaren sortzailea da eta azken urteetan, pertsona, enpresa eta erakundeei umore zerbitzuak eskaintzen dizkie barreterapia saio, ikastaro eta hitzaldien bidez. Mirari Martiarenarekin batera, “Bakean dagoena, bakean utzi” bakarrizketa estreinatu zuen 2018an, generoa eta euskara ardatz hartuta, eta dagoeneko 100 bat emanaldi eskaini dituzte Euskal Herri osoan. Irakurtzen jarraitu

Uztailaren 23an osoko ohiko bilkura egingo da Udaleko udalbatza aretoan

usurbilgoudala

Uztailaren 23an (asteartea), osoko ohiko bilkura egingo da Usurbilgo Udaleko udalbatza aretoan, 18:00tan.  Hasiera batean uztailaren 30ean egin behar zen baina  astebete aurreratu dute, uztailaren 23ra. Bilkura hau irekia da eta edonor joan daiteke eta amaieran, galdera eta eskaeren orduan, hitza hartzeko aukera dago. Irakurtzen jarraitu

Abuztuaren 2tik 4ra Urdaiagako San Esteban jaiak ospatuko dira

Sanestebanak2019

Zubietako jaien ondoren Urdaiagako San Esteban jaiak ospatuko dira, abuztuaren 2tik 4ra. Dagoeneko egitaraua finkatu dute San Esteban Jai Batzordeko lagunek. Jai giroa ez da faltako eta herritar guztiak bertara joateko gonbidapena luzatu dute. Irakurtzen jarraitu

Uztailaren 20an Zubieta eta Txost taldeek Gipuzkoako Errebote Txapelketako finala jokatuko dute Zubietako errebote plazan

errebotea

Gipuzkoako Errebote Txapelketa jokatzen ari da, itzuli bateko ligaxka eta bertan, Villabonako Behar Zana, Oiartzungo Txost eta Zubietako Zubieta taldeak parte hartzen dute. Pasa den igandean (uztailak 14) final aurreko azken partida jokatu zen Zubietako errebote plazan. Zubieta taldeak 13-3 irabazi zuen Behar Zana taldearen aurka. Beraz, Gipuzkoako Errebote Txapelketako finalerako sailkatu da Zubieta.  Irakurtzen jarraitu

Zubietako Herri Jaiak uztailaren 24tik 31ra ospatuko dira

Zubietako Herri Jaiak1

Uztailaren 24an hasiko dira Zubietako Herri Jaiak eta uztailaren 31n amaituko dira.  Egitarau zabala antolatu dute Zubietako Jai Batzordeko lagunek: herri afaria, soka-dantza, herri kirolen erakustaldia, dantzaldiak, sagardo dastaketa eta pintxoak, bertso saioa, bazkari herrikoia, puzgarriak, txokolatada, herri olinpiadak, zikiroa, errebote partida,… Jai hauek Zubietak duen herri izaera eta herritarren arteko harremanak sendotzeko tresna bilakatu asmo dute jai batzordeko lagunek. Irakurtzen jarraitu