Ostegunean, M8ko greba feminista prestatzen hasteko, lehen bilera irekia egingo da Potxoenean

O14-greba bilera

Euskal Herriko Mugimendu Feministak datorren martxoaren 8rako (ostirala) planto egiteko deia egin du, 24 orduko greba feminista hain zuzen ere. Martxoaren 8ko ekimena prestatzen hasteko, Usurbil mailako lehen bilera deitu du emakume talde batek, ostegunerako (otsailak 14), 18:30etan Potxoenean: “Etxekoandreon, ikasleon, enplegatuon, erretiratuon, hango eta hemengoon, enplegurik ez eta lana soberan dugunon artean Martxoaren 8ko greba feministari forma emateko, antolatzeko, aliantzak sortzeko, konspiratzeko… biltzeko asmoa dugu. Lehen bilera da eta, nola ez, zu(ek) ere bertan egotea nahi dugu! Denon artean, M8an emakumeok planto!”. Irakurtzen jarraitu

Otsailak 13, Torturaren Aurkako Eguna

tortura1

Joxe Arregik esan zuen egun horren ezaguna zaigun “oso latza izan da” hura, 1981. urteko otsailaren 13an, jasandako tortura bortitzek eragindako zaurien ondorioz hil baino ordu batzuk lehenago. Orduz geroztik da egun hau Euskal Herriko torturaren aurkako eguna. Gaurkoan oroitzen ditugu infernu hura jasan zuten pertsonak, Estatuak modu latzenean euren eskubideak jazartu zizkien gizon-emakume guztiak. Irakurtzen jarraitu

2019ko udal diru-laguntzak eskatzeko epea martxoaren 12an amaitzen da

usurbilgoudalaUsurbilgo Udalak jakinarazi du Gipuzkoako Buletin Ofizialean zein Udalaren webgunean (http://www.usurbil.eus/eu/diru-laguntzak) 2019rako dirulaguntza deialdia arautzen dituen oinarriak kaleratu direla. Martxoaren 12ra arteko epea dago kultura, kirola, ingurumena, nekazaritza, abeltzaintza, gizartegintza edota tokiko garapen sozioekonomikoari lotutako proiektuak aurkezteko. Guztira, Usurbilgo Udalak 212.400€ bideratuko ditu proiektu hauek diruz laguntzeko. Irakurtzen jarraitu

Otsailaren16an “Goia, bete zure hitza! Galdeketa orain! Zezenketarik ez!” elkarretaratzea Donostian

O16 zezenketarikez

Otsailaren 16an (larubata), Donostia Antitaurina Orainek eta Eguzkik (Euskal Herriko talde ekologista eta antinuklearra) antolatuta,  “Goia, bete zure hitza! Galdeketa orain! Zezenketarik ez!” lemapean elkarretaratzea egingo da Donostiako Nautikoko terrazan, 11:00etan. Antolatzaileak elkarretaratzean parte hartzera animatzen dituzte herritarrak: “Elkarretaratzea antolatu dugu gogoratzeko legealdia bukatzear dela eta alkateak ez duela emandako hitza bete”. Irakurtzen jarraitu

Otsailaren 15ean Coral Herreraren “Maitasunaz gozatzen duten emakume eta gizonak” hitzaldia

Coral Herrera hitzaldia

Usurbilgo Parekidetasun sailak antolatuta, ostiralean (otsailak 15) Coral Herreraren “Maitasunaz gozatzen duten emakume eta gizonak” hitzaldia eskainiko da Udarregi Ikastolako jangelan, 18:30ean (hizkuntza gaztelera). Hasiera batean Potxoenean eskaini behar zen hitzaldia baina Udalak jakinarazi du aforo aurreikuspenagarik lekuaz aldatzea erabaki duela. Irakurtzen jarraitu

Independentista Sareak Gure Esku Dagok deitu dituen mobilizazioekin bat egin du

Indepedentista sarea

Independentista Sareak ohar baten bidez jakinarazi du buruzagi independentista katalanen aurkako epaiketa salatzeko bat egin duela deitu diren mobilizazioekin: “Bat egiten dugu Gure Esku Dagok gaur arratsalderako deitu dituen mobilizazioekin eta datorren igandean Donostian burutuko den manifestazioarekin”. Irakurtzen jarraitu

Andatza Mendizaleen Kirol Taldeak antolatuta otsailaren 16an Erlo-Xoxote mendi irteera

Andatza mendi irteera Erlo-Xoxote

“Euskal Herriko mendiak ezagutzen” lemapean, Andatza Mendizaleen Kirol Taldeak otsailaren 16rako (larunbata) mendi irteera antolatu du: Erlo-Xoxote. Mendi irteera honetan federatu nahiz federatu gabeek parte haru dezakete, mendizale guztiei zuzendua dago. Irakurtzen jarraitu

Otsailaren 13an Usurbilgo Euskaraldia taldeak bilera irekia egingo du Potxoenean

Euskaraldia

Otsailaren 13an (asteazkena), Usurbilgo Euskaraldia taldeak bilera irekia egingo du. 2018ko balorazioa egiteaz gain, aurrera begirako egitasmoen berria emango da hitzordu honetan. Esaterako, martxoaren 12an (asteartea) Kike Amonarriz soziolinguista gonbidatu dute Usurbilera.  Martxoko ekitaldi hau prestatzen laguntzeko, bilera  Potxoenean egingo da, 18:00etan. Irakurtzen jarraitu

Zubietako erraustegiaren aurkako pankarta ikusgarria Donostiako norian

Erraustegiaeznoira2

Pasa den ostiralean (otsailak 8) Gipuzkoa Zutik taldeko kideek Zubietan eraikitzen ari diren erraustegiaren aurkako ekintza bat burutu zuten Donostian. Bertako udaletxearen aurrean jarrita dagoen norian “Erraustegia ez” dioen pankarta ikusgarria zabaldu zuten.
Irakurtzen jarraitu